Inter e mbylli me humbje këtë vit duke u mundur 2 – 1 me Lazio. Një ndalesë pas dy fitoreve për zikaltërit. Në këtë takim portën e Lazio e mbrojti Etrit Berisha, pasi Federico Marchetti është i dëmtuar. Skuadra kryeqytetase arriti një fitore me vlerë që kërkohej prej disa javësh. Juventus arriti fitoren e shtatë radhazi në kampionat.
Skuadra kampione në fuqi mundi Carpi me rezultatin 3 – 2. Një tjetër provë force për ekipin e Masimilliano Allegri që e ka harruar nisjen e dobët në Serinë A. Napoli e mbylli në vendin e tretë këtë vit me fitoren 3 – 1 në fushën e Atalanta. Elseid Hysaj ishte në fomacion si gjithmonë. Milan fitoi me rezultatin 4 – 2 sfidën me Frosinone. Një sukses çlirues për trajnerin Sinisa Mihajlovic, që rrezikonte shumë në rast se nuk merrte 3 pikët në këtë sfidë. Serie do të pushojë për tu rikthyer më 6 janar.
