Hekuran Hoxha, i cili përflitet si koka e grupit të “Avdylaj” u arrestua ditën e djeshme në kuadër të operacionit Vol-Vo 4 që ka filluar që në muajin tetor.
Po kush është 48 vjeçari i njohur ndryshe me nofkën “Roni i Shijakut”, i cili akuzohet për pjesëmarrje në grup kriminal, trafik droge dhe pastrim parash.
Roni i Shijakut rezulton të jetë kreu i një grupi të fuqishëm të shpërndarjes së lëndëve të forta narkotike si heroinë nga Shqipëria në Itali dhe Turqi.
Po kështu mendohet që Hoxha të jetë porositësi i heroinës që prodhohej në laboratorin që u zbulua në fshatin Brenog të Hasit, ku u gjetën 250 kilogramë heroinë e ku u arrestuan 5 persona.
Dyshohet se ai e porositi heroinën bashkë me Saimir Gjepalin, ndërkohë që mbanin kontakte me biznesmenin Admir Hoxha.
Person ky i shpallur në kërkim për ngritjen e laboratorit të heroinës në Has i cili u zbulua në tetor 2018.
Por ky nuk ka qenë precedenti i vetëm i Hoxhës.
Në vitin 2009, ai u arrestua si i dyshuar për trafikimin e rreth 400 kg heroine në Itali. Si dhe në vitin 2011 për trafik heroine në Turqi.
