Presidenti i Shteteve të Bashkuara, Donald Trump, është shprehur se Afganistani është si “laborator për terroristët”.
Trump shtoi se dhe nëse SHBA-ja e tërheq ushtrinë e saj nga ky vend, ai do të duhet të lërë atje një “prani të madhe të inteligjencës”.
“Unë e quaj atë Harvard për terroristët”, tha Trump për Afganistanin, teksa iu referua një universiteti prestigjioz.
Trump e dha deklaratën e tij gjatë një interviste për televizionin amerikan Fox News. Kjo intervistë vjen pas sulmit të ndodhur pak ditë më parë në Kabul, ku militantët talibanë vranë së paku gjashtë vetë dhe plagosën mbi 100.
Presidenti i SHBA tha se dëshiron që të tërheq trupat nga Afganistani, por ekziston frika se pas largimit të prezncës amerikane, do të krijohej mundësia që Afganistani të përdorej si bazë për sulmet terroriste në SHBA.
Shtetet e Bashkuara janë të angazhuara në një proces negociatash me talibanët për t’i dhënë fund konfliktit gati 18 vjeçar./ Opinion.al. E.Xh.
