La Liga përgatitet për ndeshjet e javës së tretë. Real Madrid do të luajë kundër Espanyol. Trajneri Carlo Ancelotti, vuri në dukje se disa sulmues nuk mund të gjejnë vend titullari në skuadër sepse kanë para tyre sulmuesin më të mirë në botë, Karim Benzema.
Italiani tha se ekipi që drejton nuk ka nevojë për lojtarë të tjerë në këtë repart pasi ka futbollistët më të talentuar. Ai shpreson në qëndrimin e Marco Asensio. Ndërsa Barcelona është gati të përballet me Valladolid.
Trajneri Xavi Hernandez shpreson të ketë që nga minuta e parë mbrojtësin e sapoafruar Jules Kounde, edhe pse federimi i tij dhe disa lojtarëve të tjerë në sezonin që ka nisur ishte disi i komplikuar.
Barça është në vështirësi ekonomike dhe po ndërmerr disa hapa në uljen e borxhit dhe respektimin e rregullave të fair play financiar. Për këtë arsye janë pranë shitjes mesfushori Frenkie de Jong dhe sulmuesit Pierre-Emerick Aubameyang dhe Memphis Depay.
