Kanë mbetur edhe gjashtë ndeshje për t’u luajtur në kampionatin spanjoll (La Liga). Pra, janë edhe 18 pikë në lojë.
Edhe 540 minuta. Përtej humorit të prishur të Barcelonës, që u duk se e kishte bërë të vetin titullin edhe këtë vit, La Liga ka rikthyer në garë tre pretendentë për titullin.
Le të bëjmë një rishikim, në fund të fundit, të procesverbalit, të minutave që janë grumbulluar në këmbët e futbollistëve të tri skuadrave. Real Madridi ka një shpërndarje më të mirë të minutave sipas lojtarëve. Kjo ka bërë të mundur që vetëm katër lojtarë të thyejnë barrierën e 3 000 minutave.
Cristiano Ronaldo i pangopur (i cili ka luajtur të gjithë kampionatin dhe ka humbur vetëm dy minuta në Champions), Keylor, Kroos dhe Modric kanë marrë pushime nga lëndimet dhe rotacionet gjatë gjithë garës. Marcelo, Varane, Pepe dhe Isco janë më poshtë në klasifikim.
Tani, nuk ka të plagosur, që shqetësojnë trajnerin Zidane. Në javët e fundit, infermieria e Realit është bosh, kështu që Zinedine Zidane ka
22 lojtarë në skuadër. Udhëheqësit e La Liga, Barcelona, tashmë ka 11 lojtarë me më shumë se 3000 minuta në këmbë. Ata janë lojtarët e “top 11” së Luis Enrique: Bravo, Alves, Pique, Mascherano, Alba, Rakitic, Busquets, Iniesta Messi, Suarez dhe Neymar.
Real Madridit i është rihapur objektivi titull, pas gabimeve të katalanasve
Ky grup e vuri Barcelonën në garë për gjashtë tituj: Ligën e Kampionëve, Kupën e Mbretit, Botërorin për Klube, Superkupën e Europës dhe Superkupën e Spanjës. 55 ndeshje në total kanë luajtur katalanasit, shtatë më shumë se Atletico Madrid dhe deri në 12 ndeshje më shumë se Real Madrid.
Në situatën aktuale, dy skuadrat nga Madridi janë kualifikuar në gjysmëfinale të Ligës së Kampioneve, ndërsa Barcelona mbeti jashtë që në çerekfinale. Atletico Madrid, gjithashtu, ka një kolonë bazë të lojtarëve të përdorur nga Simeone gjatë sezonit.
Atletico Madrid u kualifikua në gjysmëfinale të Championsit në “kurriz” të Barçës, me rezultatin e përgjithshëm 32
I kualifikuar në gjysmëfinalen e Championsit, argjentinasi ka tetë lojtarë me më shumë se 3 000 minuta aktivizim: Griezmann, Godin, Oblak, Filipe, Juanfran, Gabi, Sauli dhe Gimenez. Në favor të Barcelonës, përveç tri pikëve në renditje avancë nga vendi i dytë në La Liga, është edhe fakti se Real dhe Atletico do të jenë të angazhuar edhe në gjysmëfinalet e Championsit. Turne nga i cili Luis Enrique u eliminua në “Calderon”, të mërkurën.
