Në KZAZ 40, pra në shkollën “Sami Frashëri”, po vijon ende numërimi i votave preferenciale.
Gazetari Besar Bajraktari raporton se pritet që deri në pasditen e sotme ky process të përfundojë dhe të ketë më pas një rezultat nga kjo njësi administrative.
Nga numërimi i deritanishëm, tek Partia Demokratike duket se kryesojnë Jorida Tabaku dhe Belind Këlliçi. Nga Partia Socialiste janë thirrur emra të ndryshëm, por pritur rezultati final.
“Në total janë 6 grupe numërimi, të cilët numërojnë njëherësh 6 kuti dhe pritet sigurisht që gjatë ditës së sotme të përfundojë i gjithë procesi i numërimit të votave edhe në këtë KZAZ sa i përket kandidatëve.
Janë në total 73 kuti të cilat i përkasin njesisë administrative numër 9. Sa i përket kandidatëve që janë deri më tani, apo të paktën çfarë janë lexuar deri më tani nga ana e anëtarët e grupit të numërimit të votave, ka patur nga të dyja palët, edhe nga PD edhe nga PS.
Vlen të përmendim se mes emrave është Jorida Tabaku, Belind Këlliçi. Ka edhe emra të tjerë siç është Ilir Meta, janë lexuar votat e tij. Po ashtu ka pasur nga radhët e qeverisë, ku është lexuar emri i ministrit të Brendshëm, emri i ministrit Gonxhja, gjithashtu është lexuar edhe emri i Erion Braçes por dhe kandidatë të tjerë.
Të paktën deri tani ky është trendi. Ka një ndarje pothuajse të barabartë por kjo mbetet për t’u parë në vijim se si do jetë rezultati final në këtë njesi administrative”, raporton gazetari.
Lidhur me situatën në këtë KZAZ, gazetari raporton se paraqitet e qetë dhe pa incidente për sot.
“Sigurisht ka një vëmendje të shtuar të përfaqësuesve politikë, të vëzhguese. Ndonëse gjatë ditës së djeshme u regjistrua një incident, kur ndërhyri edhe Policia e Shtetit, të cilët larguan vëzhguesit nga ambientet e kësaj KZAZ dhe pati një ndërprerje të procesit për të rinisur më vonë.
Gjithsesi gjatë ditës së sotme situata paraqitet më e qetë. Kërkohet nga ana e vëzhguesve, të cilët kërkojnë që të rikthehen fletëve të votimit për të cilat ata mund të kenë dyshime apo kontenstime. Sigurisht një e drejtë tyre”, tha gazetari./tvklan
