Para dy javësh, këngëtarja Kylie Minogue njoftoi ndarjen nga partneri i saj prej disa kohësh, Joshue Sasse. Në shumë media është përfolur për një tradhti të mundshme të këtij të fundit.
48 vjeçarja ka vendosur të flasë për herë të parë për ndarjen në një intervistë për “The Sunday Herald Sun”.
“Nuk ishte e shkruar që të ndodhte, por unë do të eci para e lumtur për përvojën. Ndoshta nuk e kam fatin të jem e lumtur përgjithmonë, por e kam provuar dashurinë dhe më pëlqen të jem e dashuruar”, ka thënë ylli i popit australian për “The Sunday Herald Sun.”
Kylie i ka falënderuar mbështetësit për këtë jetë të re që ka nisur, pa dhënë arsyet që e kanë çuar ti japë fund marrëdhënies së saj.
