Për gjashtë muaj i fshehu fytyrën, duke postuar vetëm foto me shpinë të të dashurit të ri. Viola Spiro është shprehur se ndihet e lumtur në lidhjen e re, por nuk ka dëshirë që ta bëjë publik emrin dhe portretin e partnerit, përderisa sipas saj nuk është ndonjë personazh i njohur.
Mediat nisur nga kjo lojë e saj duke fshehur të dashurin e komentuan si një sport moderatores sportive, duke luajtur me kuriozitetin e fansave. Gjithmonë me të, por gjithmonë gjen një mënyrë për t’i mbuluar fytyrën. Kanë gjysmë viti bashkë dhe në të gjitha fotot Viola është kujdesur të mos e publikojë të plotë pamjen e tij, ndërkohë që i është përkushtuar kësaj lidhjeje me kohë të plotë.
Por “Story” sjell për here të parë të dashurin e Violës me fytyrë, me këtë foto që është shkrepur fudjavën e fundit në Lezhë. Duket se bukuroshja të cilën në ekran e pamë gjatë spektaklit “Dance with me” tani i është përkushtuar totalisht kësaj lidhjeje.
