Kryeministri Edi Rama ka reaguar lidhur me deklaratën e Richard Grenell, i cili uroi Kosovën në 17-vjetorin e Pavarësisë.
Teksa Grenell uroi Pavarësinë e Kosovës, ai gjithashtu kujtoi edhe padrejtësinë që po i bëhet “atit themelues të shtetit të Kosovës”, Hashim Thaçit.
“Ati themelues i shtetësisë së Kosovës, Presidenti Hashim Thaçi, duhet ta festonte sot në Prishtinë, jo pas hekurave në Hagë. Ky burgim i padrejtë duhet të marrë fund”, tha ndër të tjera Grenell.
Kryeministri Rama ka shpërndarë postimin e Grenell dhe thotë se sa më shumë të vazhdojë kjo situatë, aq më e madhe do të jetë njolla në organin ndërkombëtar të drejtësisë.
“Absolutisht! Dhe sa më shumë të vazhdojë, aq më e madhe është njolla në organin ndërkombëtar të drejtësisë!”, shkruan Rama./Opinion.al
