Kuvendi do të mblidhet sot në senacë plenare ku pritet të votojë ndryshimet në Kodin Zgjedhor, sipas marrëveshjes që u arrit në Këshillin Politik mes maxhorancës dhe opozitës së bashkuar.
Partia Socialishte dhe kryeministri Edi Rama janë shprehur se do të miratojnë Kodin e ri sipas rekomandimeve të OSBE/ODIHR. Opozita parlamentare e ka kundërshtuar marrëveshjen mes palëve, pasi aty nuk parashikohet hapja e listave. Por ka pasur përçarje, pasi ka patur disa deputetë që janë shprehur për votën pro për këto ndryshime.
Gjithashtu, në këtë seancë të sotme pritet që të dorëzohet raporti i Komisionit Hetimor për Presidentin, ku siç u miratua në Komision, nuk do të kërkohet shkarkimi i Metës.
Përveç kësaj, në Kuvend pritet të miratohet edhe dekreti i Presidentit Meta për kthimin e ligjit “Për organizimin dhe funksionimin e Gjykatës Kushtetuese, të ndryshuar”. Po ashtu, në seancën e sotme plenare do të jenë në interpelanca ministrat Gent Cakaj dhe Besa Shahini./ Opinion.al
