Kuvendi i Shqipërisë do të votojë sot për heqjen e imunitetit të ish-kryeministrit Sali Berisha, pasi të hënën Këshilli i Mandateve miratoi kërkesën e SPAK për dhënien e autorizimit për autorizimin për arrestimin apo heqjen e lirisë të kryedemokratit.
Ndërsa ditën e djeshme Gjykata Kushtetuese rrëzoi kërkesën e firmosur nga 30 deputetë opozitarë për pezullimin e masave ndaj tij.
Po ashtu ditën e djeshme, në Kuvend u depozituan edhe dy raportet e përpiluara nga anëtarët e Këshillit të Mandateve.
Të dy raportet, si i mazhorancës dhe i opozitës rekomandojnë Kuvendit dhënien e autorizimit ndaj kërkesës së Prokurorisë së Posaçme që kërkon heqjen e imunitetit të ish-kryeministrit Sali Berisha.
Ndërsa Kuvendi pritet të votojë për heqjen e imunitetit të ish kryeministrit, opozita ka paralajmëruar protestë. Nën moton “O sot, o Kurrë”, Berisha theksoi se kjo protestë, e cila është parashikuar të nisë në orën 09:30 do të mbahet pasi qeveria po ndërmerr vendime antikushtetuese.
Kujtojmë se ndaj Berishës është vendosur nga GJKKO masa “detyrim paraqitje” dhe mos dalje jashtë vendit.
Moszbatimi i këtyre masave çoi SPAK në kërkesën e drejtuar Kuvendit për ashpërsimin e masës së sigurisë për ish-kryeministrin, i cili po hetohet për çështjen “Partizani”./Opinion.al
