Kuvendi do të mblidhet sot në një seancë të jashtëzakonshme, duke rikthyer në sallë edhe ata deputetë që nuk janë vendosur në listat e partive për zgjedhjet e 25 qershorit.
Seanca e parë do të nisë në orën 10:00 dhe deputetët do të votojnë për zëvendësuesin e Jorida Tabakut nga komisioni ad hoc për vetting-un.
Deputetja demokrate sapo ka lindur dy vajzat e saj dhe e ka të pamundur të ndjekë mbledhjet e komisionit.
Seanca tjetër do të nisë në orën 14:00 dhe do të votohet për anëtarët e Kolegjit të Apelimit dhe të Komisionit të Vetting-ut.
