Çast historik, Kuvendi miraton me 140 vota pro reformën në drejtësi. M
enjëherë pas votimit të kësaj seance maratonë, kanë shpërthyer duartrokitje në sallë, për një nga vendimet më të rëndësishme të këtij 10 vjeçari!
Deputetët e Kuvendit të Shqipërisë kanë votuar nen për nen draftin kushtetues.
Drafti i ri është prezantuar pasditen e sotme, propozim i ambasadorëve Donald Lu dhe Romana Vlahutin.
Mazhoranca dhe opozita u shprehën pro këtij propozimi.
Miratimi i draftit final të Reformës në Drejtësi futi në ngërç të madh të gjitha palët politike.
I gjithë debati ishte tek mënyra se si do të formohen katër institucionet e reja që krijohen nga Reforma.
PD-ja kërkon që ajo të ketë përfaqësuesit e saj në raport 3-2 për maxhorancën, siç ishte rënë dakord për vetingun, ndërkohë që PS e kundërshtonte.
Konsensusi mazhorancë-opozitë u arrit vetëm në ditën e fundit para kalimit për votim dhe u desh dhe ndërhyrja e Komisionerit për Zgjerim. Johannes Hahn për këtë qëllim.
