Kalendari i punimeve në senacë plenare ka shkaktuar debate mes deputetëve në Kuvend.
Që në nisje të seancës, deputeti demokrat Gazment Bardhi ka hedhur kritika në drejtim të Kuvendit. Sipas tij, shumë kërkesa të depozituara nga deputetët rrinë prej gati 2 vitesh në sirtarët e Kuvendit dhe nuk merren parasysh.
Bardhi theksoi se kalendari duhet të përcaktojë datat e shqyrtimit të pr.ligjeve.
“Ne jemi kundër një kalendari që nuk cakton datën për shqyrtimin e kërkesave që presin prej 2 vitesh për kërkesat e tyre. Ne i lamë kohë 1 javë Kuvendit që të futeshin në kalendar kërkesat tona. Qytetarët protestojnë jashtë për të drejtat e tyre. Keni marrë një njoftim nga grupi parlamentar i PD, lexuat atë të Aleancës. Shkresat e grupeve parlamentare, lexohen siç vinë, pavarësisht nëse iu pëlqejnë apo jo”, tha ai.
DEBATI
Bardhi: Shkresat e grupeve parlamentar lexohen të gjitha, pavarësisht i pëlqejnë apo jo drejtueses së përkohshme të Kuvendit.
Felaj: Sa i takon kalendarit, sikundër ashtu si ishte lënë detyrë në konferencën e mëparshëm, të gjithë raportuan për ecurinë e nisma. Nuk është e vërtetë që ka pasur një javë afat për kalim në seancë, por janë nxitur komisionet që t’i trajtojnë të gjitha. Të gjithë kryetarët e komisioneve. Fjala juaj për të thënë që nuk jeni dakord, ka ardhur pas votimit. Pra ka pasur dakordësi për kalanderin.
Bardhi: Nuk thash që u la afat, i lamë një javë kohë komisioneve për axhendën dhe ramë dakord që do ishte hera e fundit që në kalendar nuk shqyrtohen iniciativat e deputetëve.
Bushka: Kalendari është miratuar me consensus.
Bardhi: Lexoni njoftimet e grupeve, nuk mund të përzgjidhni. Nuk e kuptoj pse nuk keni guxim të lexoni shkresë, thuhet se në mbledhjen e PD është marrë ky vendim dhe ju do duhet ta lexoni. Nuk kemi bërë replikë me kryetaren e kuvendi, por kemi marrë vendim dhe ua kemi paraqitur. Duhet ta lexoni pa bërë asnjë interpretim, thjeshtë informoni për vendimet e grupit parlamentar të PD, në mbledhjen e 19 shtatorit.
Felaj: Nuk kam detyrim të lexoj njoftim për të cilin kryetarja e kuvendit ka mbajtur qëndrim.
