Duke i kushtuar vëmendje duarve, ju mund të merrni një përshtypje nga afër se çfarë po ndodh brenda trupit tuaj.
Kur diçka nuk shkon si duhet në brendësi, kjo shpesh shfaqet në pjesët e jashtme. Ndjesi si kruajtje, thatësi, etj. në disa pjesë të duarve mund të jetë tregues i një problemi më serioz.
Plasaritja e lëkurës së gishtave
Nëse lëkura në majë të gishtave është papritmas e plasaritur, ju mund të keni mangësi të vitaminës B. Vitaminat B, të tilla si niacin (B3) dhe biotin (B7) janë ekstra të rëndësishme për lëkurë të shëndetshme. Niacin ndihmon në mbrojtjen dhe riparimin e lëkurës.
Rekomandimi: Shtoni në dietën tuaj më shumë ushqime të pasura me kompleksin e vitaminës B, të tilla si: peshk, kikirikë, kërpudha, avokado, patatet e ëmbla, vezët, farat etj.
Thatësia, kruarja dhe skuqja
Nëse keni ndjeshmëri tek duart, ju mund të keni ekzemë, një gjendje e lëkurës që e bën lëkurën të kruhet, të thatë, ose të kuqe. Nëse nuk keni ekzemë dhe duart tuaja janë thjesht të thata, atëherë keni mungesë të vitaminës A dhe E.
Rekomandimi: Konsumoni më shumë ushqime të pasura me vitaminë A dhe E. Vitaminën A e gjeni te karrota, brokoli, veza, mëlçitë. Vitaminën E e gjeni te bajamet, bisri, vaj ulliri, arra e kokosit, farat e lulediellit, kungulli etj.
Njollat kafe në duar
Zakonisht janë shenja të moshës, nga dielli, por gjithashtu tregojnë dobësi të funksionit të mëlçisë. Duart janë ekstra të prirura për dëmtime nga rrezet UV të diellit.
Rekomandimi: Për të ruajtur shëndetin e duarve dhe për t’u dukur të shëndetshme, shmangni ekspozimin ndaj rrezeve të dëmshme të diellit dhe kujdesuni më shumë për shëndetin e mëlçisë tuaj.
