Këshilli i Emërimeve në Drejtësi dërgoi të hënën një emër për Gjykatën Kushtetuese. Pas ambasadores së Shteteve të Bashkuara ka reaguar dhe ambasadori i BE Luigi Soreca.
Përmes një postimi në Twittër ai shkruan se tani është e rëndësishme të vazhdohet me të njëjtën frymë dhe të përfundohen listat për anëtarët e tjerë që do të emërohen nga Presidenti.
Sipas Sorecës, është urgjente të sigurohet pa vonesë funksionaliteti i plotë i gjykatës, një kusht kryesor për të filluar bisedimet e pranimit në BE.
“Mirëpresim vendimin e sotëm të KED për vlerësimin dhe renditjen përfundimtare për anëtarin e Gjykatës Kushtetuese që do të emërohet nga Parlamenti. Tani është e rëndësishme të vazhdohet me të njëjtën frymë dhe të përfundohen listat për anëtarët e tjerë që do të emërohen nga Presidenti. Duke u bazuar në opinionet e @VeniceComm, është urgjente të sigurohet pa vonesë funksionaliteti i plotë i gjykatës, një kusht kryesor për të filluar bisedimet e pranimit #BE ?? – #Shqipëri ?? në Konferencën e parë Ndërqeveritare”, shkruan Soreca./ Opinion.al
