Ajo qe po ndodh me Shkumbinin i kalon permasat e nje katastrofe. Uji eshte ndotur dhe vjen ere e rende. Por administratorët e Impiantit të Përpunimit të Plehrave deklarojnë se nuk është shkaktuar nga aktiviteti i tyre.
Ata thonë se të gjitha proceset po kryhen aktualisht duke mos shkaktuar ndotje të ajrit dhe ujit. Inxhinieri Roberto Rodella thotë se incineratori është duke funksionuar me një sistem i teknologjisë së fundit dhe të dhënat e nivelit të shkarkimeve në ajër shumë shpejt do të jenë në kohë reale online për institucionet, entet publike dhe qytetarët.
Sa i përket aromës së keqe që pjesa fundore e qytetit të Elbasanit dhe lagje të tëra janë përfshirë këto ditë të nxehta, inxhinieri i kompanisë tha se kjo aromë nuk ka lidhje me hapësirën që po funksionon inceneratori dhe as me landfillin, që sipas specialistëve ka ndjekur të gjithë procesin e depozitimit sipas parametrave europianë.
Dy ditë më parë deputeti Luciano Boci deklaroi se era e keqe vjen nga inceneratori, version qe nuk pranohet nga administratoret e impiantit te plehrave. /ABC
