Prokurorët francez kanë kërkuar dënim me burg, deri në tetë vite për një grup të marinarëve dhe trafikantëve shqiptarë, të akuzuar se kanë transportuar dhjetëra emigrantë nga Franca në Britani.
Në procesin gjyqësor në qytetin perëndimor francez, Rens, janë 18 persona të dyshuar se kanë trafikuar 127 emigrantë shqiptarë në Britani.
Prokurorja Anne Fourmel, i ka akuzuar të pandehurit për “eksploatim të mjerimit” duke kërkuar deri në 20 mijë euro për familje për t’i ndihmuar migrantët për “të arritur në El Dorado në Britani”.
“Vetëm për një migrant, çmimi ishte afro 6 mijë euro”, tha prokurorja Fourmel.
Prokurorja ka kërkuar dënimin më të rëndë për Edmond Rapin, shqiptari i akuzuar se ka luajtur “rol kryesor” në krijimin e rrjetit të kontrabandistëve me qendër në Britani.
Siç raporton AFP janë të akuzuar edhe kosovarë, francezë dhe britanikë.
