Jani Kollçinaku apo ndryshe i njohur si Jani i Mirasit ishte një person i skeduar në precedentin e shpërndarjes së lëndëve narkotike.
Trupi i tij u gjet i pajetë më shenja dhune mëngjesin e së shtunës, në një kanal buzë rrugës KorçëBilisht, në afërsi të fshatit Zëmblak.
Sipas policisë së Korçës Jani i Mirasit është qëlluar me armë dhe më pas trupi i tij është hedhur në kanal në afërsi të stacionit elektrik të Zemblakut ndërkohë që policia saktëson se viktima është ekzekutuar në një vend tjetër dhe jo në vendin ku u gjet trupi i tij.
Sipas banorëve të fshatit Miras në rrethin e Devollit, Kollçinaku ishte person problematik dhe fshihej prej disa kohësh.
Banorët deklaruan se disa kohë më parë në fshat kishin ardhur disa persona me dialekt verior, të cilët kërkonin 37vjeçarin.
“Landi merrte lëndën narkotike, por nuk paguante personat që siguronin mallin. Këtë e kishim kuptuar, pasi në banesën e tij shkonin persona të ndryshëm që e kërkonin dhe thoshin se nëse nuk i paguante do ta pësonte keq”
Sipas tyre, Jani Kollçinaku (i pamartuar) jetonte i vetëm në një vilë luksoze dhe të pajisur me kamera sigurie, për të shmangur ndonjë tentativë grabitjeje ose për t’u mbrojtur nga personat me të cilët ai ishte në konflikt për pazare droge.
