55-vjeçari shqiptar Haxhi Çollaku nuk kishte hequr dorë asnjëherë nga ndarja me bashkëshorten e tij, që ndodhi rreth 15 vite më parë. Gruaja jetonte me vajzën e saj në një nga lagjet më të qeta të Padovës, ku ish-burri u shfaq me një furgon dhe i armatosur me thikë.
Mediat italiane shkruajnë se Haxhi Çollaku, ishte shtetas shqiptar dhe ishte 55 vjeç. Ai u qëllua për vdekje nga një karabinier pasi u shfaq i armatosur në shtëpinë e ish-bashkëshortes dhe përplasi një nga oficerët që ndërhyri.
Ngjarja e rëndë u regjistrua dje në lagjen Sacra Famiglia të Padovas, ku banon ish-gruaja e tij e cila më herët e kishte denoncuar atë në polici për përndjekje.
55-vjeçari kishte qenë mësues matematike në Shqipëri.
Ish-bashkëshortja ishte e pajisur me urdhër mbrojtje çka nuk lejonte 55-vjeçarin shqiptar t’i afrohej banesës së saj. Ka qenë vetë kjo e fundit ajo që ka kërkuar ndihmën e policisë sapo në derën e shtëpisë është shfaqur, Haxhi Çollaku.
Të vënë në alarm nga telefonata e ish-gruas se 55-vjeçarit, një patrullë e karabinierëve ka mbërritur në vendin e ngjarjes. Në momentin që po jepte sqarime, Haxhi Çollaku ka tentuar të largohet duke përplasur një efektive policie 37-vjeçare. Më pas ka dalë nga makina dhe qëlloi me thikë atë. Ka qenë kolegu i efektives së plagosur që hapi zjarr në drejtim të shqiptarit 55-vjeçar.
Si pasojë e plagëve të marra ai ndërroi jetë në spital pas disa orësh, ndërsa karabinierja që u sulmua prej tij mësohet se është në gjendje të rëndë./Opinion.al
