Carlo Pedersoli, por i njohur me emrin artistik Bud Spencer, ka lindur më 31 Tetor 1929 dhe është ndarë nga jeta pasditen e sotme në moshën 86-vjeçare. Spencer është aktor italian i njohur dhe komedian i cili ka luajtur për një kohë të gjatë filma komiko-aksion me aktorin e njohur italiano-amerikan, partnerin e tij Terence Hill.
Karriera e Karlos fillon në vitin 1951, por ajo më së shumti merr vrull gjatë viteve 70-të kur së bashku me aktorin tjetër italian komik Mario Girotti, por i njohur si Terence Hill, luajtën 20 filma të cilët ishin të pëlqyeshëm për publikun.
Përveç aktrimit, Karlo ka qenë edhe një ish-notar profesionist gjithashtu edhe prodhues filmash. Gjithashtu Karlo ka qenë i diplomuar për juridik dhe po ashtu, kishte qenë edhe pilot helikopteri dhe kishte hapur një fond për bursa për studentet e rinj.
Emri: – Carlo Pedersoli
Ditëlindja: – 31 Tetor 1929 (86 vjeç)
Vendlindja: – Napoli, Itali
Emri i artit: – Bud Spencer
Gjatësia: – 193 cm[2]
Pseudonime: – Carlo
Bashkëshortja: – Maria Amato 1960
Karlo ka lindur në Napoli të Italisë më 31 Tetor 1929. Gjatë viteve 1946 – 1949 ka punuar në konsullatën e Italisë në Brazil, ku kishte mësuar edhe të fliste edhe portugalisht.
Karriera e tij si aktor filloi në vitin 1951 në filmin “Quo Vadis” në rolin e rojës perandorake.
Edhe në karrierën e tij si notar Karlo kishte qenë i suksesshëm me 19 Shtator 1950 ai kishte notuar më pak se 1 minutë 100 metra në stil të lirë.
Në vitin 1951 në lojërat mesdhetare ai fitoi medaljen e Argjendit në notimin në stil të lirë për 100 metra. Po ashtu në vitin 1952, Karlo mori pjesë në Lojrat Olimpike të vitit 1952, të cilat mbaheshin në Helsinki, Finlandë, ku ai garoi në notim në stil të lirë dhe arriti deri në gjysmë finale.
Në vitin 1954 ai luajti në ekipin e Uaterpolit të SS Lazio-së me të cilin fitoi kampionatin italian të vaterpolos. Karriera e tij si notar përfundoi tragjikisht në vitin 1957. Pas përfundimit e të karrierës së tij ai në vitin 2005 dhe 2007 u nderua me disa çmime nga Federata italiane e notit./Ekspress
