Yaya Toure, Riyad Mahrez dhe Pierre Emerick Aubameyang. Futbolli afrikan ka disa përfaqësues që po luajnë në nivelet më të larta duke synuar trofe në Europë. Por nëse do t’i hedhim një sy renditjes së FIFA-s do të dallojmë se Bregu i Fildishtë me kapiten Toure, Algjeria e frymëzuar nga Mahrez apo Gaboni i Aubameyang janë të eklipsuar nga një ishull i vogël. Vendi i 31-të në klasifikim, më mirë se çdo skuadër tjetër në “kontinentin e zi” është Kepi i Gjelbër, edhe pse lojtarët e kësaj përfaqësuese janë të gjithë të panjohur…
Me vetëm një futbollist që luan në pesë kampionatet elitare të Europës, Odair Fortes, që është aktivizuar në katër ndeshje me Reims në Ligue 1, “peshkaqenët blu” duhet të ishin në letër një nga ekipet më të dobëta të Afrikës. Por ka ndodhur krejtësisht e kundërta dhe që nga viti 2015, Kepi i Gjelbër ka ndërtuar një ekip që synon pjesëmarrjen në Kupën e Botës 2018, pasi është më lart se Polonia e Robert Lewandowski dhe Suedia e Zlatan Ibrahimovic në klasifikimin e FIFAs. 14 vende më lart se Skocia, sa për të krijuar një ide më të qartë.
