LONDER- Një shqiptar është dënuar dy herë me burgim të përjetshëm në Britaninë e Madhe. Fatmir Mula, 44 vjeç, i cili jeton në Londër goditi me thikë ishbashkëshorten e tij dhe të dashurin e saj Nicholas White në Luton të Anglisë.
Shqiptari nga Kosova sulmoi me thikë ishbashkëshorten dhe të dashurin e saj më 12 qershor të vitit 2015, kur ajo shkoi për të marrë fëmijët.
Prokurori tha se i dashuri i ri i gruas arriti ta largojë atë nga duart e shqiptarit duke e mbrojtur, ndërsa mori dy goditje në gjoks dhe një në qafë.
Mula pas kësaj arriti të largohej duke dalë nga dritarja, por u arrestua disa ditë më pas. Ish-bashkëshortja ka treguar se Mula e kishte kërcënuar atë se nëse do të divorcohej do ta vriste.
Shqiptari mohoi akuzat e tentativës për vrasje, por gjykata e gjeti atë fajtor. 44vjeçari mori dy herë dënim të përjetshëm dhe i duhet të kryejë minimumi 11 vite burg para se të kërkohet rishikimi i dënimit.
Sipas gjykatës veprimi i tij ishte plotësisht i pajustifikuar dhe erdhi pa asnjë provokim apo sulm të planifikuar. Mula, thuhet në vendimin e gjykatës është qartësisht një person me rrezikshmëri të lartë.
