Një tjetër shqiptar pritet ti bashkohet në muajin janar Serisë A. Ai është 17 vjeç dhe është një emër i panjohur për publikun shqiptar. Quhet Fabio Sakaj dhe sipas www.calciomercato.com, talenti 17-vjeçar i Modenas pritet të kalojë të Sassuolo, pasi të dy klubet kanë rënë dakord. Burimet njoftojnë se duhet të përcaktohen disa detaje për kalimin e mesfushorit.
Objektivi i Modenas është që të përfitojë sa më shumë nga kartoni i Fabio Sakajt. Vlera e tij sipas www.transfermarkt.com është 175 mijë euro.
Një kthesë e madhe për lëvizjen e futbollistit të ri shqiptar, që para pak ditësh thuhej se mund të kalonte tek Interi.
Klubi zikaltër dëshironte ta huazonte për 18 muaj me të drejtë blerje. Për Sakajn më parë ishte interesuar edhe Juventus dhe Suonsi.
Fabio Sakaj ka debutuar në Serinë B me Modenan, duke e nisur herët karrierën e profesionistit pak pasi i kishte mbushur 17 vjeç.
