Kastriot Reçi është pronari i një televizioni në Lezhë, “Media plus-tv”.
Para dy vitesh ai ka humbur vëllanë e tij, Gasper Reçi i cili mbeti i vrarë në Itali. Ky i fundit ka patur precedentë penalë në fushën e trafikimit të lëndëve narkotike. Dyshohet se vrasja e tij të jetë bërë si hakmarrje për vrasjen e Saimir Jakut, ish – drejtorit të OSHEE për veriun, i ekzekutuar në vitin 2016.
Ky konflikt dyshohet se ka përfshirë dy familje me influencë në Rrëshen. Pas vrasjes së Gaspër Reçit, në Blegjikë mbeti i vrarë Kreshnik Gjini, nipi i Sajmi Jakut. Dyshohet se ajo erdhi si hakmarrje të vrasjes së Gaspër Reçit.
Në postimin e tij të fundit në faqen e tij në Facebook ai ka uruar Vitin e Ri por duke lënë dhe mesazhin “Qëndroni sa më larg njerëzve të këqij, mashtrues dhe të pa besë”.
Ai është vrarë në qendër të Rrëshenit në rrethana ende të paqarta ndërkohë raportohet se ka patur precedentë të mëparshëm penalë.
Ndërkohë policia ka ngritur postblloqe në rrugët kryesore të Mirditës për të kapur autorët. /Opinion.al
