Kosovari 25 vjecar Ardit Ferizi është në listën e 60 të akuzuarve nga Departamenti i Drejtësisë i Shteteve të Bashkuara për krime që lidhen me terrorizmin dhe i vetmi, i akuzuar për “terrorizëm kibernetik”. Ferizi u arrestua në Malajzi, pas lëshimit të një mandat-arresti nga Shtetet e Bashkuara. Sipas akuzave, që u bënë publike në muajin tetor, 25 vjecari kosovar përdori mjete kompjuterike për të “vjedhur” të dhënat personale të zyrtarëve të ushtrisë amerikane dhe për t’ia dorëzuar ato më pas Junaid Husainit, hakerit të Shtetit Islamik, që është vrarë.
Kosovari Ferizi është në pritje të ekstradimit në Shtetet e Bashkuara, ku –sipas akuzës- të dënohet me 35 vjet burg. Mediat amerikane shkruajnë se janë pikërisht këta të rinj që rekrutohen nga Shteti Islamik. Ferizi kishte nisur aktivitetin e tij si haker në adoleshencë dhe kishte themeluar edhe grupin online “Siguria e Hakerave të Kosovës”.
Duke iu referuar listës së 60 personave të akuzuar, “Uashington Post” shkruan se kjo shifer paraqet një kërcënim në rritje nga Shteti Islamik dhe vecanërisht nënvizon ndikimin që mediat sociale kanë në rekrutimin e të rinjve. Më shumë se 55 % e tyre janë nën 25 vjeç.
