Janë zbardhur detaje të reja nga atentati i dyfishtë në qytetin e Vlorës. Të plagosur mbetën Kevin Hajrulla dhe Armand Spahiu. Ky i fundit është ndodhur rastësisht në vendin e ngjarjes.
Paraprakisht dyshohet se shënjestër e atentatit qenë Kevin Hajrulla, i cili është kushëriri (djali i xhaxhait) të Inez Hajrulla, i njohur ndryshe si i “Forti i Vlorës”.
Emri i Inez Hajrullës është mjaft i njohur për shkak se ka qenë shpesh shënjestër e atentateve në Vlorë.
Ai u ka shpëtuar më herët dy tentativave të tjera për ta vrarë, fillimisht në vitin 2017 dhe më pas në 2019.
Inez Hajrullës i është bërë atentat me tritol edhe në vitin 2017. Ai ka qenë dy herë i arrestuar për armëmbajtje pa leje, i akuzuar edhe për grabitjen e një kazinoje në vitin 2013.
