Personi që është në kërkim nga policia për 137 kilogramët e kokainës të kapura në kontinierët në Portin e Durrësit është Gentian Malindi, 42 vjeç.
Ai bashkë me Ardian Begën dhe Altin Mislihakën kanë hyrë në port nga ana e Urës së Dajlanit. Pasi kanë marrë disa pako nga një kontinier kanë vijuar rrugën në drejtim të Shkëmbit të Kavajës. Në rrugë e sipër Gentian Malindi ka vënë re se paketimi i kokainës ishte ndryshe nga çfarë ishte kërkuar dhe ka kuptuar se po survejoheshin nga policia. Malindi i ka kërkuar dy bashkëpunëtorëve të tij të mos flasin pasi në automjet mund të kishte përgjues. Në këtë moment ai është arratisur.
Megjithatë Gentian Malindi nuk është një emër i panjohur për drejtësinë. Në qershor të vitit 2013 ai është arrestuar pasi është kapur me 500 kg kanabis. Droga që vinte nga Lazarati u kap nga policia e qarkut të Durrësit pas një operacioni në zonën e Plazhit, e fshehur në furgon tip “Benz Mercedez” dhe kishte si destiancion Italinë.
42-vjecari është pronari i një varke peshkimi dhe ka të regjistruar në emër të tij biznesin me emër “Aaywat”. Ai ka një njohje të vjetër me Altin Myslimhakën, dhe ky i fundit ishte punonjës në varkën e tij të peshkimit. /Opinion.al
