Stiven Segal. Aktori i njohur amerikan ka qëndruar së fundit tri ditë në Serbi. Ende nuk dihen arsyet e vërteta të vizitës së Seagal në Beograd, por ai ka takuar kryeministrin serb Aleksandar Vuçiç dhe Presidentin Tomislav Nikolic dhe thuhet se do të trajnojë forcat elitare serbe në artet marciale. Mediat bëjnë të ditur se autoritetet serbe i kanë propozuar aktorit, që tu mësojë trupave speciale sekretet e aikidos, ku Seagal njihet si ekselent. Ndërkohë që nuk dihet ende se cila do të jetë përgjigjia e aktorit i cili ka një sërë impenjimesh kinematografike për vitin e ardhshëm dhe nuk dihet nëse do të gjejë kohë për të trajnuar serbët.
