Ditën e djeshme janë publikuar gjashtë të nominuarit për lojtarin e vitit në Angli, Raheem Sterling, Bernardo Silva, Sergio Aguero, Virgil Van Dijk, Sadio Mane dhe Eden Hazard.
Por, debati se kush do të jetë fituesi mes tyre ka përfshirë dhe trajnerin e Liverpool, Jurgen Klopp.
Sipas Klopp, më favoriti për të fituar çmimin si lojtari më i mirë i vitit në Premier league, është mbrojtësi i Liverpool Virgil Van Dijk.
Van Dijk ka bërë “revolucion” në repartin defensiv të Liverpool, duke sjellë stabilitet të madh dhe Klopp e di rëndësinë që ka pasur lojtari për skuadrën këtë edicion.
Gjermani ka tha se do të ishte shumë i mërzitur nëse holandezi nuk do të zgjidhet lojtari i vitit.
“A do të ndihesha keq nëse Van Dijk nuk zgjidhet lojtari i vitit? Për të po, sigurisht.
Ai ka pasur një sezon të jashtëzakonshëm. A e meriton ai këtë? Sigurisht. Ishte sezoni i kaluar kur De Bruyne dhe Salah të dy luajtën sezon të shkëlqyer dhe Mo e fitoi.
Ne ishim të lumtur dhe jo sepse De Bruyne e humbi çmimin, sepse ai do ta meritonte gjithashtu. Mendoj se është e njëjta gjë përsëri. Është e qartë. Do të isha i lumtur për Virgil”,-tha Klopp./ Opinion.al E.Xh.
