Kush e bashkon politiken shqiptare?

Nga Blendi Fevziu
Ka nje gje qe bashkon politiken shqiptare! Po, ka nje gje qe per ta vlen me shume se cdo gje. Jeni mesuar t’i shihni te tensionuar? Jeni mesuar t’i dalloni kur shfryjne dhe ngrene dallge ndaj njeri – tjetrit? Jemi mesuar me akuza dhe fraza bombastike? Jeni kurioz per serine e rradhes te telenoveles Rama – Meta? Te gjitha keto behen zero dhe nuk vlejne me kur behet fjale per pandeshkueshmerine e tyre! Cdo gje eshte e mundur per ta, denimi dhe llogaridhenia jo.
Hidhini nje sy votimit te kesaj jave. Rralle politika ka bere kaq vota sa beri kete here per te mbyllur nje dosje nga e cila te gjithe kane frike. Nje dosje per te cilen te gjithe jane dakort qe eshte nje pus i thelle korrupsioni dhe abuzimi me pushtetin dhe per te cilen te gjithe kerkuan ti shkohet me hetim deri ne fund. Madje me hetim nderkombetar apo te SHBA. 84 veta votuan per te varrosur nje dosje si ajo e CEZ e cila ne fakt nuk u hap dot kurre. Nje dosje qe sipas informacioneve tona konfidenciale permban me prokurori thuajse 8000 faqe dhe materiale te bollshme si pergjime dhe komunikim elektronik ku identifikimi i fajtoreve nuk eshte edhe kaq i veshtire. Nje dosje qe ne pjesen e DIA mendohet se eshte nder me te kompletuarat, por qe askush nuk guxon ta hape.
Oret e para te mengjesit te se shtunes, PS, LSI, PDIU etj kane bashkuar votat per te bllokuar nje hetim, nisjen e te cilit e kishin kerkuar publikisht po vete. Nje hetim qe mbase askush nuk do ti shkonte deri ne fund, sic ka ndodhur rendom ne kete vend, por qe gjithsesi do merrej si sinjal qe edhe ndaj politikes ka hetim. E kane mbyllur brutalisht, me arrogance, si per t’ju thene shqiptareve se nuk pyesin per askend. Si per te ngulitur edhe me shume bindjen e kesaj shoqerie se pandeshkueshmeria e njerezve te pushtetshem eshte nje dimension i rrenjosur tashme. E kane bere me menyre brutale, pa dhene asnje shpjegim dhe pa sqaruar se perse 84 deputete te Parlamentit Shqiptar kane frike nga nje hetim?! Si mund te kete frike nje njeri qe nuk ka faj? Aq me teper nje deputet qe eshte ulur ne ate salle me idene e zbatimit te ligjit dhe dhenies llogari vetem perpara tij. Po, ka nje gje qe e bashkon politiken shqiptare! Eshte mungesa e plote e vullnetit per te ndeshkuar korrupsionin dhe bindja se asnje prej tyre nuk mund te pergjigjet per kete. Gjithcka tjeter eshte beteje dhe intrige. Eshte perplasje dhe sherr! Ndeshkimi jo! Kunder tij, jane te gjithe bashke. 84 vota, sa rralle tjeter here…
Blendi Fevziu