TIRANE- Për drejtorin e Tatimeve Androkli Kokthi nuk pati denoncues, por dyshimet për veprimet joligjore të tij mbërritën nga informatorët në zyrat e Policisë së Shtetit.
Pra ishte hetimi proaktiv për drejtorin rajonal të Tatimeve të Tiranës, ka nisur nga vetë policia. Ai filloi pasi agjentët e antikrimit ekonomiko-financiar në Policinë e Tiranës morën informacione nga vetë inspektorët se, në disa raste drejtori i tyre u kthente mallin e bllokuar bizneseve që ata procedonin për shkak se fshihnin detyrimet tatimore.
Pas kësaj, policia mori edhe lejen e prokurorisë për të kryer përgjime ndaj tij. Mënyra joligjore e kthimit të mallrave të sekuestruara biznesmenëve është verifikuar në afërsisht 16 raste.
Policia ngre dyshime për të gjitha këto raste, por nuk ka gjetur prova të aferës korruptive, përveç asaj të shpërdorimit të detyrës. Kreu i Tatimeve e detyronte Drejtorinë e Rezervave të Shtetit, e cila në këtë rast kryen funksionin vetëm të magazinimit të mallit të sekuestruar, t’ia u kthente biznesmenëve.
Këta të fundit në fakt duhet ta riblinin këtë mall, por me anë të shkresave të drejtorit Kokthi rezultonte se ishin kryer procedura jo të ligjshme gjatë bllokimit të këtij malli.
Ajo që u hetua dhe për të cilat është vërtetuar shkelje e rëndë ligjore është ajo e kthimit të pjesëve të këmbimit për automjete, me vlerë 4 milionë lekë të reja.
Kutojmë se drejtori i Tatimeve Tiranë Androkli Kokthi ishte krahu i djathtë i Ramës në zgjedhjet lokale kur Rama garonte përballë Bashës për Bashkinë e Tiranës
