Klubi i Partizanit po mendon të rikthej përsëri në stol një trajner italian. Mësohet se një nga kandidaturat e mundshme është Adolfo Sormani, trajneri i cili drejtoi skuadrën disa muaj në vitin 2016.
Bëhet me dije se presidenti Gazment Demi bëjnë ka sërish konsideratë për italianin, dhe Sormani ka qenë alternativë edhe pas largimit të Skënder Gegës në maj të këtij viti.
Demi vlerëson se 54-vjeçari është një profesionist i mirë, dhe po ashtu një njohës i ambientit të kuqve, edhe pse punoi vetëm për disa muaj. Sormani ka përvojë mesatare, duke qenë dy vitet e fundit trajneri i Veljes në Danimarkë, në Divizionin e Parë dhe në Superiore.
Më herët ai ka punuar teknik i të rinjve te Juventusi e Napoli, si dhe ka qenë ndihmës i Gianfranco Zola te Watford në Premier Ligën angleze. Nuk dihet sesa mund të jetë fatura financiare e Sormanit, edhe pse vështirë se ai mund të vijë për më pak se 6 apo 7 000 euro në muaj, plus që duhen paguar edhe ndihmësit./ Burimi: abcnews.al
