Kush do ta zevendësojë Ndokën?

Dorëzimi i mandatit nga deputeti Ndoka dhe miratimi i dorëheqjes nga Këshilli i Mandateve sjell skenarë të rinj në parlamentin e Shqipërisë. Kush do të jetë zëvendësuesi apo zëvendësuesja e tij në karrigen e lënë bosh të deputetit? Sipas listës emërore dhe marrëveshjes për barazinë gjinore vendi i takon një zonje. Pasi vetë Ndoka për t’u ulur në karrigen e deputetit i zuri vendin një femre. Sipas listës emerore të paraqitur nga Partia Socialiste gjatë zgjedhjeve të vitit 2013, edhe pse ishte e fundit në listë, vendi i takon zonjës Mirela Neli. Por nuk dihet nëse zonja Neli do ta fitojë ketë mandat, pasi më parë e ka refuzuar një shërbim të tillë. Por legjislacioni nuk e pengon që ta pranojë me propozimin e dytë. Nëse Neli refuzon sërish mandatin, sipas listës emërore i takon Ndrec Dedaj. Por Dedaj aktualisht është kryetar i Bashkisë  Rrëshen, ndaj duhet të vendosë se cilën karrige do të mbajë. Nëse Neli dhe Dedaj do të refuzojnë, mandati pashmangshmërisht  do ti kalojë Eduart Ndocaj, njeriut që Rama ka më pak dëshirë ta ketë para syve në seancat plenare, për më tepër që do të duhet ta ketë edhe në mbledhjet që Partia Socialiste zhvillon në selinë e saj.