Ish-Kryeministri Sali Berisha deklaron se rritja e pagave të mësuesve me 10 për qind është vetëm një mashtrim i qeverisë, pasi kjo bëhet për shkak të rritjes së inflacionit dhe në total krahasuar me 3 vite më parë mbetet sërish më e ulët.
Sipas Berishës, në tre vitet e qeverisë Rama, pagat i bie të jenë ulur me 12 përqind, pasi është rritur inflacioni (rritja e çmimeve). Po kështu gjatë këtyre tre viteve është hequr edhe shpërblimi i fundvitit.
Kësisoj thotë ai: “Për çdo njeri që di çfarë është inflacioni, pra rritja e pandalshme e çmimeve në tërësi dhe atyre të konsumit të përditshëm në veçanti, e ka të qarte se me rritjen prej 10% pas tre vitesh pagat e vitit 2016 mbeten përsëri 2% më të ulta se sa pagat e vitit 2013”. Sipas Berishës, gjatë qeverisjes së Ramës vetëm pagat e ministrave janë rritur me 60 përqind…
