Kryeministri i Kosovës Albin Kurti ja refuzuar takimin me Edi Ramën në Prishtinë, i cili në datat 6 dhe 7 korrik dhe do të zhvillojë takime në Beograd, Sarajevë, Prishtinë, Shkup e Podgoricë.
Pas refuzimit të Kurtit, Rama do të takojë presidenten Vjosa Osmani dhe kryetarin e Kuvendit të Kosovës, Glauk Konjufca.
Kurti kërkoi së bashku me Ramën të organizonin takimin e dy qeverive, që vet kryeministri i Shqipërisë e anuloi më 14 qershor për shkak të tensioneve në Veri të Kosovës.
Kryeministri i Kosovës është shprehur se do të mirëpriste Ramën të zhvillonin mbledhjeve e të firmosnin 13 marrëveshjet e përbashkëta për të cilat ishin dakordësuar më parë.
Kreu i qeverisë do të zhvillojë takime me krerët e shteteve përkatëse në kuadër të Procesit të Berlinit rolit që do të ketë nisma “Open Balkan” në këtë proces. Në turin e tij të takimeve kryeministri Edi Rama do të shoqërohet nga një pjesë e kabinetit të tij qeveritar.
Nisma “Open Balkan” lindi disa vite më parë për të forcuar bashkëpunimin rajonal mes vendeve të Ballkanit Perëndimor, nismë të cilës iu bashkuan zyrtarisht 3 vende, Shqipëria, Serbia dhe Maqedonia e Veriut duke firmosur një sërë marrëveshjesh të rendësishme. Disa ditë më parë kreu i qeverisë tha se Ballkani i Hapur i ka arritur synimet e veta dhe tashmë është koha e fokusimit te procesi i Berlinit.
