Kryeministri në detyrë i Kosovës, Albin Kurti u shpreh se dhurimi i testeve për koronavirus nga ana e Serbisë është gjest që nuk duhet të politizohet.
Në një konferencë për media, Kurti u shpreh i bindur se nëse Kosova do t’i refuzonte të pranonte këto teste, do të akuzohej për sjellje joracionale.
“Ne nuk po bëjmë diskriminim dhe jam i bindur që nëse Kosova do të refuzonte të pranonte këto teste, do të akuzohej për sjellje joracionale dhe politizim të një gjesti i cili nuk është i tillë. Pra, nuk duhet të pranohet si politik dhe nuk duhet t’iu ndihmojmë atyre që dhuruan 1 mijë teste për qëllime politike”, tha Kurti, duke shtuar se Kosova dëshiron marrëdhënie të mira fqinjësore dhe bashkëpunim më të madh rajonal në luftën e përbashkët kundër pandemisë.
Opozita në Kosovë e ka kritikuar qeverinë për pranimin e kësaj ndihme nga Serbia, duke e akuzuar atë, se i ka lejuar Serbisë një promovim të mirë në botë./Opinion.al
