Dy persona të shpallur në kërkim kanë rënë në prangat e Policisë së Kurbinit.
Sipas policisë 53-vjeçari me iniciale P.K banues në Kurbin në 2017-n është dënuar nga Gjykata e Apelit Tiranë me 3 vite e 8 muaj burg, për veprën penale “Prodhimi dhe mbajtja e armëve dhe municioneve luftarake”.
Policia ka bërë të ditur se është bërë gjithashtu ndalimi i 44-vjeçarit me iniciale V.K banues në Kurbin. Ai ishte shpallur në kërkim pasi në Nëntor 2018, Gjykata Shkallës Parë Kurbin i ka dhënë masën e sigurisë “Arrest me burg” për akuzën “Dhunë në familje”.
Njoftimi i policisë
Vijon puna për kapjen e personave në kërkim dhe vënien e tyre përpara përgjegjësisë ligjore. Kapen dhe ndalohen dy shtetas në kërkim për vepra të ndryshme penale Nga forcat policore të Komisariatit të Policisë Kurbin, në vijim të punës për kapjen e personave të shpallur në kërkim, u bë kapja dhe ndalimi i shtetasit P. K., 53 vjeç, banues në Kurbin. Ky shtetas ishte shpallur në kërkim kombëtar, pasi në Mars 2017, Gjykata e Apelit Tiranë e ka dënuar me 3 vite e 8 muaj burg, për veprën penale “Prodhimi dhe mbajtja e armëve dhe municioneve luftarake” parashikuar nga neni 278/2 i Kodit Penal Gjithashtu po nga shërbimet e Policisë së Kurbinit, u bë kapja dhe ndalimi i shtetasit V. K., 44 vjeç, banues në Kurbin. Ky shtetas ishte shpallur në kërkim, pasi në Nëntor 2018, Gjykata Shkallës Parë Kurbin ka dhënë masën e sigurisë “Arrest me burg” për veprën penale “Dhuna në familje”/Opinion.al/
