Një 45-vjeçar shqiptar i shpallur në kërkim ndërkombëtar nga policia italiane ka rënë në prangat e policisë në Kurbin.
Sipas njoftimit të policisë ai fshihej prej disa vitesh në Kurbin, ndërkohë që arrestimi i tij u bë i mundur nga bashkëpunimi mes bluve të Kurbinit me Interpol Tiranën.
45-vjeçari me iniciale A. (A) K është dënuar në vitin 2013 në Itali nën akuzën për trafik droge të kryer në bashkëpunim dhe ka për të kryer 5 vite e 9 muaj burg.
45-vjeçari pritet të ekstradohet në Itali ku do të kryejë dënimin./Opinion.al
Njofitmi i Policisë:
Vijon puna për kapjen e personave të shpallur në kërkim ndërkombëtar. Komisariati i Policisë Kurbin në bashkëpunim me Interpol Tirana, lokalizojnë dhe kapin një tjetër shtetas shqiptar të dënuar nga
Legjislacioni Italian për ” Trafik droge” , me qëllim ekstradimi drejt Italisë Forcat policore të Komisariatit të Policisë Kurbin në bashkëpunim me Interpol Tirana, pas informacioneve të siguruara në rrugë operative dhe pas një pune të mirë organizuar profesionale, lokalizuan dhe kapen duke e arrestuar përkohësisht me qëllim ekstradimi drejt Italisë, shtetasin shqiptar të shpallur në kërkim ndërkombëtar • A.(A.).K. 45 vjeç, banues në Kurbin.
Ky shtetas ishte i shpallur në kërkim ndërkombëtar, pasi autoritetet italiane me Urdhër Arrest të vitit 2013, e ka dënuar këtë shtetas për veprën penale ” Trafik droge në bashkëpunim” parashikuar nga Legjislacioni Italian, ku i kanë mbetur për të vuajtur edhe 5 vite e rreth 9 muaj burgim. Materialet hetimore iu referuan Prokurorisë Pranë Gjykatës së Shkallës së Parë Kurbin për veprime të mëtejshme.
