Revista Iliria, botim i shqiptarëve në SHBA ka botuar shkrimin për vizitën e Ramës e Thaçit në “shtëpinë e bardhë” të biznesmenit Sel Rusi në SHBA, afro dy vite më parë.
Cfare ndodhi aty?
Pas takimeve që Kryeministrat shqiptarë, Edi Rama dhe Hashim Thaçi patën në New York javën e kaluar me zyrtarë amerikanë, të Kombeve të Bashkuara dhe me bashkatdhetarët tanë, të shtunën në mbrëmje morën pjesë në një darkë private nga Sal Rusi, një nga biznesmenët më të njohur shqiptarë në Amerikë dhe dhe aktivist i njohur në komunitet.
Shtëpia e tij madhështore në Staten Island të New York-ut, e cila njihet edhe si “Shtëpia e Bardhë” pati mikpritës veç kryeministrave shqiptarë, edhe ministrin e Punëve të Jashtme të Kosovës, Enver Hoxhaj, Musa Xhaferin, zëvendëskryeministër i Republikës së Maqedonisë, Teuta Arifin , kryetaren e bashkisë së Tetovës, etj.
Në këtë mbrëmje familjare të familjes Rusi merrnin pjesë edhe një numër aktivistësh të komunitetit si dhe botuesi i gazetës “Illyria”, Vehbi Bajrami.
Familja Rusi dhe aktivistët patën një bashkëbisedim të frytshëm me dy kryeministrat shqiptarë për zhvillimet politike dhe ekonomike në dy shtetet shqiptare, Shqipëri e Kosovë.
Mysafirëve u uroi mirëseardhje babai i vëllezërve Sal, Ilirjan dhe Benjamin Rusi, z. Turhan Rusi, i cili shprehu kënaqësinë për pjesëmarrjen e kryeministrave shqiptarë dhe mysafirëve të tjerë në shtëpinë e familjes së tij.
Për mysafirët u shtrua një darkë e pasur me ushqime e pije nën përcjelljen e muzikës.
Kryeministrat shqiptarë falënderuan mikpritësin dhe vlerësuan lart aktivitetin patriotik të familjes Rusi dhe të parardhësve të tyre.
(Illyria)
