Prej kohësh u fol në media se kush do të marr drejtimin e PS ne vitet e ardhshem dhe pas largimit të Edi Ramës, dhe alternativat që qarkulluan ishte emri i kryebashkiaku Erion Veliaj dhe ish-ministrit të brendshëm Saimir Tahirit.
Disa herë janë pyetur nëpër intervista televizive Tahiri dhe Veliaj për këtë temë, por ata gjithmonë kanë refuzuar të përgjigjen, derisa edhe u panë të punonin bashkë për fushatën e zgjedhjeve të 25 qershorit në kryeqytetet, ndoshta me urdher të Ramës.
Por sot në emisionin Kolaudim në INTV, Veliaj ka dhënë një përgjigje të prere duke thënë se asnjëherë nuk e do postin e kryeministrit. Më tutje kryebashkiaku është shprehur se ka patur një bisedë me Ramën, kur e ka pyetur atë, se cila punë ishte më e mirë dhe më e bukur, ajo e kreut të bashkisë apo e kreut të qeverisë ai i ka thene se ajo e Kryebashkiakut ndaj dhe Veliaj nuk do heqi dorë prej saj.
Por kjo s’mund të na duket e besueshme, sepse është bërë e zakonshme tanimë se atë që e kundërshtojnë më shumë publikisht, është gjëja dhe posti që duan të kenë me tepër politikanët tanë, shkruan opinion.al
Ja biseda mes gazetarit dhe Veliajt
Kur do të vijë dita që do të jesh Kryeministër?
Asnjëherë me thënë të drejtën. Sepse kam rënë në dashuri me punën që bëj. Dhe do i rri punës që pëlqej më shumë. E kam pyetur edhe Edin në fakt, se kush është punë më e bukur dhe ma ka pranuar se ajo e Kryebashkiakut. Kështu që unë do vazhdoj të bëj punën e Kryebashkiakut, sepse e dua punën time.
Është më rehat ministër apo kryetar Bashkie?
Ministër nuk është rehat se kishte shumë punë. Kjo është më e vështirë, por është edhe më e bukur./Opinion.al
