Manchester United ka fituar Kupën e Anglisë, për herë të 12-të në historinë e tij, duke barazuar rekordin e Arsenal dhe duke ndalur një “agjërim” prej tre vitesh pa trofe, pasi mposhti 2-1, Crystal Palace, pas kohës shtesë. Jesse Lingard shënoi golin vendimtar për “djajtë” e Van Gal, dhjetë minuta para fundit të shtesës së dytë, vetëm pesë minuta pasi United kishte mbetur me dhjetë futbollistë, pas kartonit të dytë të verdhë të marrë nga Chris Smalling.
Në një ndeshje finale ku emocionet ishin me pikatore, publiku i “Wembley” shijoi dhjetë minutat e fundit ku u dhuruan dy gola dhe ku u vërtetua fama e një prej veprimtarive më të luftuara në Angli, më e vjetra në historinë e futbollit.
Në minutën e 79-të, Puncheon kaloi në avantazh Crystal Palace, por vetëm 100 sekonda më vonë, Manchester United barazoi me anë të Juan Mata duke vendosur se duhej koha shtesë për të përcaktuar fituesin.
[fbvideo link=”https://www.facebook.com/officialfootballgoals/videos/826225834148043/” width=”500″ height=”400″ onlyvideo=”1″]
