Tre persona janë konfliktuar fizikisht gjatë mbrëmjes së djeshme në Bulqizë. Forcat e policisë kanë ndërhyrë për të parandaluar përshkallëzimin e situatës ku një baba dhe djali i tij kanë patur një konflikt të çastit me një person tjetër.
Në momentet kur forcat blu kanë bërë shoqërimin e babait dhe djalit të tij, 61-vjeçarit me iniciale L.G dhe 31-vjeçarit me iniciale A.G, për të penguar ndalimin e tyre ka ndërhyrë duke kundështuar me dhunë punonjësit e policisë, djali tjetër i 61-vjeçarit, 29-vjeçari me iniciale A.G., i cili më pas ka mundur të largohet duke përfituar nga errësira.
61-vjeçari dhe i biri 31 vjeç janë shoqëruar në polici, ndërsa djali tjetër 29-vjeçar është shpallur në kërkim nga blutë për veprën penale ‘Kundërshtimi me dhunë i punonjësit të policisë së rendit publik’, kryer në bashkëpunim./Opinion.al/
