Partia Socialiste është e vendosur që më 30 qershor do të zhvillohen zgjedhjet lokale, pavarësisht vendimit të presidentit Ilir Meta.
Lidhur me zhvillimin e zgjedhjeve, ka folur ish-ministrja e Kulturës, Mirela Kumbaro.
Ajo u shpreh në “Abcnews” e bindur që zgjedhjet do të zhvillohen më 30 qershor dhe se votuesit do të shkojnë për të votuar “me dashuri dhe qetësi”.
Mirela Milori: Fushata vazhdon do të jetë deri ditën e premte deri kur do jetë dhe mitingu përmbyllës?
Mirela Kumbaro: Afatet zgjedhore dhe afatet e fushatave i përcakton shumë qartë legjislacioni zgjedhor. Deri ditën e premte të gjithë kandidatët jo vetëm të PS-së, por edhe kandidatët e subjekteve të tjera që janë regjistruar. Ne, PS është 24 orë në takim me njerëzit, derë më derë, në lagje, në fshatra, në ara ku mbillet e korret, deri ditën e premte. Dita e shtunë dihet që është heshtje zgjedhore dhe dita e diel të gjithë në kutinë e votimit me dashuri dhe qetësi.
Mirela Milori: E huazuat këtë me dashuri dhe qetësi ka qenë zoti Meta që e ka thënë i pari.
Mirela Kumbaro: Nuk jam në garë për çështjen e të drejtave të autorit.
Mirela Milori: Ishte fusha e juaj, duhet të kishit problematike me të drejtën e autorit, vazhdon të ketë probleme.
Mirela Kumbaro: Nuk është patentë e regjistruar kjo./ Opinion.al E.Xh.
