Partia Demokratike ka depozituar këtë të martë në SPAK dosjen për kullën që do të ndërtohet prapa Teatrit të Operas dhe Baletit.
Ka qënë anëtarja e Këshillit Bashkiak të Tiranës, Enriketa Papa, që së bashku me një grup këshilltarësh kanë shkuar në SPAK për të dorëzuar një dosje të plotë denoncuese.
Në një deklaratë për mediat ajo theksoi se ky është vetëm hap i parë dhe se Partia Demokratike nuk do të ndalet, por do të denoncojë aferat korruptive që bëhen në kurriz të qytetarëve.
“Denoncojmë korrupsionin dhe ky është hapi i parë që ne bëjmë për të denoncuar dhe treguar dëshminë e angazhimeve dhe luftës së vazhdueshme të PD për aferat korruptive që bëhen në kurriz të qytetarë. Detajet e kallëzimit do të bëhen më tej në një deklaratë zyrtare”, tha më tej Enriketa Papa.
