Lulzim Popa, 60-vjecari që me dëshminë e tij tronditi në sallën e gjyqit gjatë seancës për të ndaluarit e protestës, është kthyer sot sërish në vëmendje.
Ai ka qenë i ftuar në Kuvendin Kombëtar të Partisë Demokratike, ku edhe një herë ka kujtuar se si është marrë nga policia që ka hyrë befasisht në mes të natës në banesën e tij.
“Jam në shpinë time a ku jam, thashë me vete. Si përfundim m’i vunë prangat në dorë pa dit gjë familja, pa urdhër a mandat. Erdhën gjithë forcat policore sikur kishim qenë kriminelë”, ka thënë ai.
Nga kuvendi, Popa ka bërë thirrje për lirimin e kuksianëve që ende mbahen në burg, ndërsa ka pohuar se sërish në rrugën e kombit po kryhen punimet për vendosjen e pikës së pagesave.
“Kur jam nis nga Kukësi me ardh këtu, po shikoj se po bën prapë punime. Të vinë të bisedojnë me ne”, ka thënë Popa.
