Kukësi nuk ka humbur kohë. Pas shkarkimit të Rrahman Hallaçi, ekipi i verilindorëve ka prezantuar trajnerin e ri. Ai është Stavri Nica. Në njoftimin zyrtar të bërë nga klubi në rrjetin social në “Facebook”, bëhet me dije se Nica do të fillojë menjëherë stërvitjen me ekipin për përgatitjen e ndeshjes së ardhshme kundër Dinamos.
“Mirësevjen Stavri Nica! Klubi i Kukësit njofton arritjen e marrëveshjes me trajnerin Stavri Nica! Trajneri do fillojë menjëherë stërvitjen me ekipin për përgatitjen e ndeshjes së ardhshme kundër FC Dinamo City! I urojmë suksese trajnerit në pankinën e ekipit tonë”, njofton Kukësi.
Nica është një emër i njohur në Superligë, pasi më herët ka drejtuar Laçin, Erzenin, Besëlidhjen, Devollin si edhe Kastriotin.
