Kukësi dhe Laçi janë mjaftuar me një barazim 1-1, në ndeshjen e luajtur në “Loro Boriçi” të Shkodrës. Lojtarët e Kukësit nuk ishin në ditën e tyre më të mirë, pasi edhe këtë pikë arritën ta merrnin në mitutën e 87.
Pjesa e parë u mbyll në barazim 0-0, ku asnjëri ekip nuk krijoi raste për shënim, ndërsa në pjesën e dytë Laçi shënoi i pari me Nuabuezen, në minutën e 51.
Kukësi hidhet menjëherë në sulm dhe pas tentativave të shumta është Musta, ai i cili në minutën e 87 arrin të çojë topin në rrjetë.
Me këtë barazim Laçi merr pikën e parë në Superiore ndërsa Kukësi ka 7 pikë në pritje të rivalit të tij Partizanit i cili do të përballet sot me Flamurtarin./Opinion.al
