Një ngjarje e rëndë është raportuar së fundmi në Njësinë Administrative Shishtavec në Kukës, ku sipas njoftimit të Policisë “është njoftuar nga shtetasi D.T., se në fshatin Novosej, në lokalin e tij, kanë hyrë disa persona të pa identifikuar, ku janë konfliktuar me fjalë me Administratorin e Njësisë Administrative Shishtavec, shtetasin A.N. Në koflikt është përfshirë edhe vetë pronari i lokalit shtetasi D.T, i cili u ka kërkuar personave që po debatonin të dilnin jashtë nga lokali i tij, por është goditur me grushte nga këta persona, ku njëri prej tyre ka qëlluar një herë me armë zjarri pistoletë në tavan të lokalit. Nga e shtëna me armë zjarri nuk ka të lënduar.” Mësohet po kështu se grupi hetimor në vendgjarje ka gjetur dhe sekuestruar një gëzhonjë. Ndërkohë Policia po punon për zbardhjen e rrethanave të ngjarjes, identifilimin dhe kapjen e autorëve.
