Një 24 vjeçar është vënë në prangat e policisë në Kukës, pasi u kap me sasi kanabisi e kokainë në makinë.
Sipas njoftimit zyrtar, i riu i cili po drejtonte “BMW-në” u ndalua nga forcat “Shqiponja” në hyrje të qytetit.
“U kap në flagrancë me lëndë narkotike kokainë dhe kanabis, në automjet, vihet në pranga 24-vjeçari. Në vijim të kontrolleve të vazhdueshme që ushtrohen për evidentimin dhe goditjen e paligjshmërive, me qëllim rritjen e parametrave të sigurisë, shërbimet e DVP Kukës, në bashkëpunim me shërbimet e Forcës së Posaçme “Shqiponja”, kanë ndaluar në hyrje të qytetit, automjetin tip “BMW”, me drejtues shtetasin I. N.
Gjatë kontrollit, janë gjetur dhe sekuestruar sasi të lëndëve të dyshuara narkotike cannabis sativa dhe kokainë.Në përfundim të veprimeve procedurale, shtetasi I. N., 24 vjeç, banues në Kukës, u arrestua në flagrancë për veprën penale “Prodhimi dhe shitja e narkotikëve”, shkruan Policia.
